Այս տարի Արամ Խաչատրյանի անվան միջազգային 2-րդ փառատոնի հոկտեմբերի 11-ի համերգը նվիրված կլինի Հայաստանում խխունջային ներպատվաստման 10-ամյակին:
Լսողության խնդիրներ ունեցող երեխաների հետ աշխատող Էռնստ Լենհարդի անվան գերմանական հիմնադրամի նախաձեռնությամբ համերգի ողջ հասույթը կօգտագործվի լսողության հնարավորությունից զրկված հայաստանցի փոքրիկներից մեկին` Կոտայք գյուղի բնակիչ 3-ամյա Սեւակ Ղազարյանին վիրահատելու համար: Այս մասին NEWS.am Medicine–ին հայտնեցին Լենհարդի անվան հիմնադրամից։
Սեւակն անհապաղ խխունջային ներապատվաստման (կոխլեար իմպլանտացիա) կարիք ունի, եւ հիմնադրամը, խմպլանտի, վիրահատության եւ հետվիրահատական աշխատանքների համար անհրաժեշտ գումարը հավաքագրելու նպատակով առաջարկում է 300 Պրեմիում դասի «բարեգործական տոմս» 47 000 ՀՀ դրամ արժողությամբ: Համերգասրահի մյուս բոլոր տոմսերը վաճառվում են 1-7 հազարական դրամով:
«Համերգի տոմսը ոչ միայն դասական երաժշտության հրաշալի երեկո անցկացնելու, այլեւ այս կենսական նշանակության գործում սեփական ներդրումն ունենալու հնարավորություն է», – ասվում է հիմնադրամի հաղորդագրության մեջ։
Փառատոնն իրականացվում է ՀՀ մշակույթի նախարարության եւ Հայաստանի պետական երիտասարդական նվագախմբի (գեղարվեստական ղեկավար եւ գլխավոր դիրիժոր Սերգեյ Սմբատյան) համատեղ ջանքերով:
Սեւակին կարելի է աջակցել նաեւ առանց համերգին մասնակցելու։ Ձեր հանգանակությունները կարող եք ւողարկել հետեւյալ հաշվեհամարներին՝
Ամերիաբանկ
AMD 1570020931340100,
USD 1570020931340101,
EUR 1570020931340146,
RUB 1570020931340158,
CHF 1570020931340106:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր