Դեղատոմսերի լրացման նախկին թղթային համակարգը ավելի շատ ժամանակ էր խլում, քան նորը. նախարար

Դեղատոմսերի լրացման նախկին թղթային համակարգը ավելի շատ ժամանակ էր խլում, քան նորը՝ էլեկտրոնայինը։ Այս մասին ապրիլի 11-ին խորհրդարանում Կառավարության 2023 թվականի 5-ամյա ծրագրի (2021-2026) կատարման հաշվետվության քննարկման ժամանակ հայտարարեց հանրապետության առողջապահության նախարար Անահիտ Ավանեսյանը՝ պատասխանելով ընդդիմադիր պատգամավորների հարցերին եւ քննադատությանը։

Դա, նրա խոսքով, վերաբերում է նաեւ բժշկական մատյանում տվյալների լրացմանը։ Դեղատոմսի էլեկտրոնային տրման դեպքում պացիենտի տվյալները ստացվում են ինքնըստինքյան։ Բժշկին մնում է միայն լրացնել դեղատոմսը՝ նշելով համապատասխան դեղերն ու դեղամիջոցները»,- բացատրել է Ավանեսյանը։ Լավագույն դեպքում, ինչպես նշել է նախարարը, դա կզբաղեցնի 2-3 րոպե։ Դե, իսկ եթե բուժող բժիշկը որոշակի հմտություններ չունի, ապա առավելագույնը 7-8 րոպե։ «Իսկ քրոնիկական հիվանդություններով պացիենտների դեպքում հաջորդ ամիսներին նույն ինֆորմացիան լրացնելու անհրաժեշտություն չի առաջանա»,- նշել է կառավարության ներկայացուցիչը։

Հետևեք NEWS.am Medicine-ին Facebook-ում և Twitter-ում