• Latest news

Ի՞նչ հիվանդությունների մասին կարող է նախազգուշացնել չորությունը բերանում

15 հունիսի, 2022  13:37

Բժիշկ-գաստրոէնտերոլոգ, էնդոսկոպիստ Նատալյա Կուրգանսկայան Москва 24-ի հարցազրույցում նշել է, որ բերանում չորության եւ կպչունության զգացողությունը կարող է բազմաթիվ հիվանդությունների ախտանշան լինել։

«Բերանում չորությունը կարող է վկայել գաստրիտի, խոլեցիստիտի, դուոդենիտի մասին։ Բայց դրանց սովորաբար ուղեկցում են նաեւ այլ նշաններ՝ այրոց, դառնահամ բերանում, սպիտակ կամ դեղին փառ լեզվի վրա»,- նշել է բժիշկը։

Նրա խոսքով՝ չորությունը բերանում կարող է նաեւ ահազանգել Շեգրենի զարգացող ախտանշանի մասին. դա միավորող հյուսվածքի աուտոիմունային ախտահարումն է։

«Հիվանդը նաեւ կարող է չորություն զգալ աչքերում, քթի մեջ, կոկորդում, մաշկին։ Դեպքերի մեծ մասում Շեգրենի ախտանշանը ախտորոշվում է 40-ից բարձր տարիք կանանց մոտ»,- բացատրել է գաստրոէնտերոլոգը;

Մասնագետը նաեւ տեղեկացրել է, որ չորությունը բերանում առաջ է գալիս նաեւ սննդային վարքի խախտման դեպքում՝ բուլիմիա, անորեքսիա, կամ վնասվածքների, վիրահատության ժամանակ գլխի եւ պարանոցի շրջանում առաջացող նյարդերի վնասվածքների հետեւանքով։

Չորությունը բերանում կարող է նաեւ վկայել թքագեղձերի հիվանդության մասին, երբ թքի հիմնական ուղին փակվել է քարկ կամ վարակի պատճառով։

Բերանում չորության տարածված բարդություններ են կարիեսը, գինգիվիտը եւ սնկային վարակները, օրինակ՝ բերանի խոռոչի կանդիդոզը, նշել է բժիշկը։

Նա նաեւ նշել է, որ բերանը կարող է չորանալ, երբ օրգանիզմը ջրազրկվել է չափից ավելի քրտնարտադրության, տենդի, փսխման, լուծի, արյան կորստի կամ այրվածքի պատճառով։ Այդպես հաճախ պատահում է հղիների կամ կերակրող մայրերի մոտ հորմոնալ փոփոխությունների պատճառով։

«Անհարմարության զգացողություն բերանում կարող են առաջացնել նաեւ դեպրեսիայի, բարձր ճնշման դեղամիջոցները, որոշ հակահիստամինային, հակաայտուցային եւ ցավազրկող դեղամիջոցներ»,- նշել է բժիշկը։

Քանի դեռ անհարմարության զգացողության պատճառները չեն պարզվել, կարեւոր է հետեւել բերանի հիգիենային։ Անպայման պետք է ատամները մաքրել օրը երկու անգամ, իսկ ուտելուց հետո բերանը ողողել պարզ ջրով։ Բացի այդ, կարելի է պատրաստել հատուկ լուծույթ. մեկ լիտր ջրին ավելացնել մեկական թեյի գդալ աղ եւ սոդա։

Պետք է նաեւ շնչել քթով, ոչ թե բերանով, այդ թվում եւ գիշերը։ Ավելի լավ է խուսափել կոֆեինի եւ ալկոհոլի օգտագործումից, օգտագործել օդը խոնավեցնողներ, հատկապես քնի ժամանակ։

Օրվա ընթացքում խոնավության փոխանակումը կարգավորելու համար կարեւոր է խմել ջուր կամ առանց շաքարի հեղուկներ՝ փոքր կումերով, ինչպես ուտելիս, այնպես էլ դրանից հետո։ Թքարտադրությանը նպաստում են մաստակները կամ շաքար չպարունակող ծծովի կոնֆետները։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է