• Latest news

Գիտնականները քաղաքներում մահացությունը նվազեցնելու պարզ միջոց են գտել

27 նոյեմբերի, 2022  14:32

Տնկված յուրաքանչյուր ծառ զգալիորեն նվազեցնում է սրտանոթային հիվանդություններից մահվան ռիսկը՝ տնկման վայրին մոտ ապրող մարդկանց համար, պարզել են ԱՄՆ գյուղատնտեսության նախարարության Անտառային ծառայության հետազոտողները:

Environment International ամսագրում հրապարակման համաձայն՝ գիտնականները վերլուծել են ծառատունկով զբաղվող ընկերության լավ փաստաթղթավորած տվյալները, դրանք տեղի են ունեցել ԱՄՆ Օրեգոն նահանգի Պորտլենդ քաղաքում, 1990-2019 թվականներին: Այդ ընթացքում շահույթ չհետապնդող խումբը քաղաքի փողոցներում տնկել է 49 246 ծառ։

Դրանով նրանք գրանցել են, թե որտեղ եւ երբ է տնկվել յուրաքանչյուր ծառը: Սա թույլ է տվել գիտնականներին կապել այս տվյալները սրտանոթային, շնչառական հիվանդությունների կամ այլ պատճառներով մահացության մակարդակի հետ:

Մահացության ավելի ցածր ցուցանիշները նկատվել են ավելի շատ ծառատունկեր ունեցող տարածքներում, հատկապես տղամարդկանց եւ տարեցների շրջանում:

Հետազոտությունը ցույց է տվել, որ կապը նաեւ մեծանում է ծառերի աճին զուգընթաց: Նախորդ 1-5 տարիներին տնկված ծառերը կապված են եղել մահացության 15 տոկոսով, իսկ նախորդ 11-15 տարիներին տնկված ծառերը՝ 30 տոկոսով նվազման հետ:

Հեղինակները չեն ուսումնասիրել այս ազդեցության պատճառները, սակայն ենթադրել են, որ այն կապված է ջերմաստիճանի եւ աղմուկի նվազման, ինչպես նաեւ օդի աղտոտվածության հետ։

Բացի այդ, հետազոտության հեղինակները եզրակացրել են, որ ծառերի տնկման տարեկան տնտեսական օգուտները ավելի քան հազար անգամ գերազանցում են դրանց պահպանման ծախսերը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է