• Latest news

Ո՞ր մթերքներն են նպաստում քնի որակի լավացմանը

29 մայիսի, 2023  19:17

Սննդակարգն ազդում է քնի որակի վրա, հետեւաբար, քունը կարելի է բարելավել՝ ուտելով այս կամ այն մթերքը, կարծում են սննդաբանները եւ Honestly Nutrition ու The Good Sleep Clinic ընկերությունների մասնագետները։ DailyMail-ի հետ զրույցում նրանք նշել են յոթ մթերքներ, որոնք օգնում են ավելի լավ քնել։

Դրանց մեջ են պանիրը, բալը, շաքարի ցածր պարունակությամբ ամբողջահատիկները, բանանը, նուշը, ինչպես նաեւ մագնիումով եւ օմեգա-3-ով հարուստ մթերքները։

«Պանիրը եւ այլ կաթնամթերքները պարունակում են տրիպտոֆան՝ ամինաթթու, որն օգնում է ավելի լավ քնել, եւ կալցիում, որն օգնում է նվազեցնել սթրեսը։

Բալը մելատոնինի (քնի հորմոն) արտադրությունը խթանող բնական աղբյուր է, իսկ ոչ քաղցր ամբողջահատիկները եւ բանանը՝ տրիպտոֆանի։

Եթե խոսենք այն մթերքների մասին, որոնք հարուստ են մագնիումով, ապա դրանց մեջ են մտնում արեւածաղկի սերմերը, սպանախը, նուշը եւ դառը շոկոլադը։ Օմեգա-3-ը պարունակվում է ձկների, չիայի եւ կտավատի սերմերի մեջ։

Մասնագետները խորհուրդ են տալիս սննդի վերջին ընդունումը նախատեսել քնելուց գոնե երկու ժամ առաջ, որպեսզի արյան մեջ շաքարը եւ մարմնի ջերմաստիճանը չբարձրանա, որոնք կարող են առաջանալ մարսողության ժամանակ», նշել են մասնագետները։

Բացի այդ, արժե խուսափել ճարպոտ եւ կծու ուտելիքից։ Մասնագետների խոսքով՝ այն կարող է այրոց եւ ստամոքսի խանգարում առաջացնել, ինչը կարող է խանգարել քնին, ինչպես եւ ալկոհոլը, կոֆեինն ու ծխախոտը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է